صرخة الحريه

كل العرب علومها كان همسٍ
لزمت سكوت الغصب لو هم يشوفون


ملجمه وخطاهـ ماتروح فِرسٍ
إلا...على رأسه ثمانين ملعون


جتها عواصف عاتية يـوم نحس
وشبت صدور كامنة كله أطعون


صوت الحناجر كسر أسوار....نفسٍ
عاشت سنين العمر هونٍ على هون


ابن عزيزهـ...قادها يوم عرسٍ
لبس لها ثوبٍ من النار مزيون


قدمـ لها عمرـهـ...مهرفيه درسٍ
أموت حرٍما ارتضي عيشة الهون


وأنطَق بموته امةٍ صابه خرسٍ
ودارت رحاها تطحن اللي يهينون


ابن علي لو هو طليق...بحبسٍ
أول يهين الشعب واليوم مهيون


والنيل لجت..ضِفته..لج ضرسٍ
موجه سحب حسني مثل سحب فرعون


وينك عمر يا واقفٍ خير ترسٍ
للي غصبوا أرضك وصاروا يحكمون


ليبيا تصيح وتنتخي با...على حِسٍ
منهو مع المختار يا شعب تكفون


ولبى جميع الناس من كل جنسٍ
بغيت حياة العزعن عيشة الهون


ياكمـ...نفس اغرقتـ....زين لبسٍ
بحَمار دمه واللي حوله يكبرون


غرس بها معمر من الشر غرسٍ
سطر تاريخُه بالخضر خوش مجنون


وصارت علوم للعرب فيها درسٍ
وصوت الحقيقه ينطقه ألف مليون